Тарҷумони Google ба забони форсӣ
by ibrahimjon on Sep.20, 2009, under E-tools, Languages, Technology, Uncategorized, Тоҷикӣ
Ҳамакнун аз ҳама пурқувваттарин ҷӯяндаи шабакаи ҷаҳонии Интернет, ки шумораи зиёди корбарон аз он ҳар рӯз истифода мебаранд ба забони форсӣ низ сӯҳбат мекунад.
Google Тарҷумон сомонаҳо ва матнҳоро аз забонҳои гуногун тарҷума мекунад. Аз имрӯз шумо метавонед навиштаҳои бо забони англисӣ дар ин сомона навишташударо ба забони форсӣ мутолиа кунед. Барои дар амал дидани тарҷумони форсии Google ва тарҷума кардани матнҳои ин торнамои ман ба форсӣ ин пайвандро пахш кунед.
Расман дар бораи ин хизмати ройгони тарҷумон, Google дар торнамояш хабаре моҳи июни соли ҷорӣ интишор карда буд. Тарҷумон хатогиҳо дорад, аммо дар торнамо гуфта мешавад, ки кормандони Google саъю кӯшиш карда истодаанд, то сифати тарҷума беҳтар шавад. Инчунин, корбарони Интернет фикру мулоҳизаҳо ва пешниҳоди худро барои беҳтар кардани тарҷумаи матнҳо ба Google дар як вақт ирсол намоянд. Дар ҳол истифодабарандагони ин тарҷумон метавонанд бо осонӣ аз беш аз 40 забонҳои дунё ба форсӣ матнҳоро тарҷума кунанд. Аз забони форсӣ низ метавонед ба беш аз 40 забонҳои гуногун матнҳо ва сомонаҳоро тарҷума намоед.
Шояд ба наздики Google забони тоҷики ҳуруфи кирилликро низ ба рӯихати забонҳои пуштибонишуда илова намояд. Худи ҷӯяндаи Google ба забони тоҷикӣ аллакай тарҷума шуда истодааст. Бо пахш кардани ин пайванд ҷӯянди Google-ро бо забони тоҷикӣ дар мурургари худ боз кунед.
February 15th, 2010 on 2:48 pm
Khele khub . man mekhoham bisyori marduami tojik wiki google va digar sitehoi kalonro tarjuma kunand. agar ba hama shahrohovu viloyatho gufta shavad bud ki wikii tojikisro puraa kunem khele khub meshud chunki mo oyanda istifoda mebarem tashakkur
February 20th, 2010 on 12:17 am
Салом Саидолим!
Ман ҳам мехоҳам, ки сафи истифодабарандагони Википедиаи Тоҷикӣ зиёд шавад. Барои ҳиссагузориат ба Википедиаи Тоҷикӣ хеле сипосгузорам. Ҳар пешниҳоде, ки дорӣ инҷо навис.
Саломат бош!
Иброҳим